Fərhan Namazov, Mirxəzər İsmayılov-İzafi çəkiyə meyilli gənclərdə kardiometabolik əlamətlərin tədqiqi
: 16 May 2020, 18:40
Artıq bədən çəkisi aktual problemlərdən biri olmaqla metabolik sindromun inkişafına təsir edən mühüm risk faktorlarından biridir. Aparılan tədqiqatlar göstərir ki, bədən çəkisi normal olan şəxslərin cəmi 5%-də metabolik sindromun aşkarlandığı halda, artıq bədən çəkisinə malik olanlarda bu rəqəm 22%, piylənməsi olanlarda isə 60% qədər təşkil edir. Framinqam Ürək Tədqiqatından əldə edilmiş nəticələrin təhlili göstərib ki, 16 il ərzində bədən çəkisinin cəmi 2.25 kq artması metabolik sindromun inkişafı riskini 21-45% artırır. Digər risk faktorlarına yaşı, irsi meyilliyi, menopauzadan sonrakı dövrü,yüksək karbohidrat tərkibli pəhrizi, tütünçəkmə, spirtli içkilərin qəbulu və fiziki aktivliyin olmaması kimi halları da aid etmək olar. Şəkərli diabetTip 2 və/və ya ürək-damar xəstəliyinin inkişafı baxımından metabolik sindrom mühüm risk faktoru hesab olunur. Buna görə də, metabolik sindromun vaxtında təyin edilməsi, gələcəkdə məruz qala biləcək xəstəliklərın qarşısının alinmasinda və həyatlarına daha sağlam şəkildə davam etmələrində mühüm əhəmiyyət kəsb edir.