Tibbi Paylaşım Portalı

Son zamanlarda, xüsusilə hava şəraiti ilə də əlaqədar baş ağrısından əziyyət çəkən insanların sayı artıb. Türk həkimi, uzman nevroloq Dr. Elvan Cevizci Akkılıç baş ağrısının həmişə ciddi bir səbəbdən yaranmadığını da qeyd edərək, baş ağrısının 5 əsas səbəbi və görülə biləcək 8 tədbir üsulunu sadalayıb.

Baş ağrısının səbəbləri nə ola bilər?

1) İsti hava şəraiti

Havanın temperaturunun artması damarların genişlənməsinə, yəni vazodilatasiyaya səbəb olur ki, bu da baş ağrısına səbəb ola bilir. Eyni zamanda istiyə bağlı olaraq insanlarda təzyiqin artması ənsə nahiyyəsində ağrının hiss olunmasına səbəb ola bilər.

2) Kifayət qədər su içməmək

Əgər yetəri qədər su qəbul etməsək, tərləməylə itirdiyimiz su ümumi olaraq orqanizmdə su defisitinə və bu da baş ağrısına səbəb ola bilər.

3) Keyfiyyətli yatmamaq

Yetərli və keyfiyyətli yatmadıqda beyin zərərli metabolitlərdən təmizlənə bilmir, metabolitlər toplanır və yuxu rejiminin uzun müddətli bu cür pozulması davamlı baş ağrılarına səbəb ola bilər.

4) Kondisionerin təsirinə birbaşa məruz qalmaq

Heç vaxt kondisionerin təsirinə birbaşa məruz qalacaq şəkildə oturmayın və ya uzanmayın. Hava axının birbaşa əzələlərimizə təsiri əzələlərin gərilməsinə və gərgin vəziyyətdə olmasına, baş və boyun əzələlərimizin gərginləşməsi isə dolayısıyla baş ağrısına səbəb ola bilər.

5) Rütubətli şərait

Rütubət orqanizmə bir çox yöndə və bir çox sistemə təsir edərək, baş ağrısının meydana çıxmasına səbəb ola bilər. Rütubət təkcə baş ağrısı yox, bir çox cəhətdən sağlamlığa ziyan olduğu üçün belə şəraitdən qaçının (Vərəm çöpləri bu şəraitdə fəallıq qazanır). 

 


Baş ağrısının qarşısını almaq üçün bu tədbirləri görün:

1) Günəş şüalarının birbaşa təsirindən qaçının.

2) Şüaların təsirindən gözünüzü qoruyan keyfiyyətli eynəklərdən istifadə edin, günəşli günlərdə ağ rəngli geyimlərə üstünlük verin və başınızı şüadan qorumaq üçün papaq geyinin.

3) Bol maye qəbul edin, bol mayedən demək istədiyimiz su içməyinizdir, su bir çox baxımdan orqanizm üçün önəmlidir, metabolizmi sürətləndirir və reaksiya gedən mühit rolunu oynayır.

4) Çay və qəhvə qəbulunu məhdudlaşdırın, ürəyiniz istədiyiniz qədər içmək sizə zərər vuracaqdır.

5) Xüsusilə də yatmamışdan 2 saat öncə nə çay, nə də kofe için. Bu içkilərin tərkibindəki maddələr yuxuya getməyinizi çətinləşdirə, beyninizi yora və səhəri baş ağrısıyla açmanıza səbəb ola bilər.

6)Spirtli içkilər baş ağrısına səbəb ola biləcəyindən onlardan uzaq durmanız məsləhətdir.

7) Kondisionerin birbaşa təsirindən qaçının və temperaturu 24 dərəcədən aşağı təyin etməyin.

8) Çox soyuq mühitdən isti və həmçinin, əksinə çox isti mühitdən soyuq mühitə dərhal keçməyin, çalışın tədricən keçin.

Mənbə:

[ Linkləri görmək üçün qeydiyyatdan keçin və ya giriş edin ]