Xəstə 8 il əvvəl uşaqlığın miomektomiyası əməliyyatı olunmuşdur. 6 yaşında ikən sağ bazu oynağının ekzartikulyasiyası əməliyyatı olunmuşdur.
Müayinələrdən sonra xəstəyə sağ süd vəzinin xərçəngi, T2 N1 M0 diaqnozu qoyulmuşdur. Sağ süd vəzinin radikal mastektomiyası əməliyyatının icrası qərarlaşdırılmışdır.
Aşağıda müayinələrin nəticələri təqdim olunmuşdur:
Ultrasəs müayinəsinin nəticəsi:
Sağ süd vəzidə aşağı xarici kvadrantda 48.0x25.0 mm ölçülü qeyri-düzgün konturlu hipoexogen qeyri-həmcins strukturlu bir neçə hissədən ibarət, tərkibində ardı ilə kölgə verən kompanentlər olan, yuxarı xarici kvadrantda 17.0x10.0 mm, 13.5x7.5 mm ölçülü qeyri-düzgün konturlu hipoexogen strukturlu patoloji törəmə aşkarlanır.
Sağ qoltuqaltı nahiyədə 25.0x1.0 mm, 16.0x9.0 mm ölçülü qabıq qatı qeyri-bərabər qalınlaşmış limfa düyünləri aşkar olunur. Sağ körpücüküstü nahiyədə 7.0x4.0 mm ölçülü qabıq qatı qalınlaşmış limfa düyünləri aşkar olunur. Sol süd vəzidə dəqiq konturlu törəmə aşkar olunmadı.
Radioloji müayinənin nəticəsi:
Sağ süd vəzidə Krauze, Payra, Umblikasiya simptomları müsbətdir. Sağ süd vəzinin yuxarı bayır kvadrantında 45x40 mm ölçülü, nahamar, kənarlı, yüksək intensivlikli, tam vaskulyar törəmə qeyd edilir. Sağda qoltuqaltı nahiyədə patoloji limfa düyünü qeyd edilir.
Solda aşağı bayır kvadrantda 8x5 mm ölçüdə nahamar kənarlı, radiar törəmə qeyd edilir. Solda qoltuqaltı nahiyədə patoloji limfa düyünü aşkar olunmadı. Nəticə: İkitərəfli BiRads 5.
Patoloji və immunohistokimyəvi müayinənin nəticəsi:
Göndərilən material: Sağ süd vəzi, Tru-cut biopsiya.
Makroskopik təsvir: 3-4 ədəd uzunluğu 0.3-0.5 sm, dm 0.05 sm toxuma parçaları. Rəy: İnfiltrativ paycıq-axacaq karsinoması, Grade II .
İmmunohistokimyəvi müayinə:
- Estrogen - Ümumi ball: 4
- Progesteron - Ümumi ball: 7
- Kİ67 ORTA : 17-18% dərəcəli ekspressiya
Bütün bədən sümüklərində ilkin xəstəliyə aid osteoblastik ocaq aşkarlanmayan 99mTc-MDP sümük Spekt/KT müayinəsi.
Radikal mastektomiya əməliyyatından öncəki görüntü:
Bu xəstədə çətinlik ondan ibarətdir ki, bazu oynağı ekzartikulyasiya olunduğundan əzələlərdə atrofiya getmişdir. Əməliyyat zamanı xüsusilə böyük döş əzələsində aşkar atrofiyanın olduğu müəyyən olunmuşdur.
Eyni zamanda bu cür xəstədə qoltuqaltı toxuma anatomik struktur baxımından adi xəstələrdən fərqlənir. Böyük damar-sinir dəstələrinin ekzartikulasiya əməliyyatı zamanı bağlanmış olması, qoltuqaltı nahiyənin əzələlərində atrofiyanın getməsi və burada kobud çapıq toxumasının olması qoltuqaltı limfa disseksiyasını xeyli çətinləşdirən amillərdir.
Bütün bunlara baxmayaraq, təcrübəli onkoloq-mammoloq, doktor Günay Əhmədova əməliyyatı uğurla həyata keçirmiş və başa çatdırmışdır. Aşağıda əməliyyatdan görüntülər təqdim olunur:
Əməliyyat tamamlanıb, tikişlər qoyulduqdan sonra:
[ Linkləri görmək üçün qeydiyyatdan keçin və ya giriş edin ]
