Cavabları gözləyirəm

[987]

Heç bir sistemik xəstəliyi olmayan və təxminən 10 ildir gündə bir qutu siqaret çəkdiyi məlum olan qırx yeddi yaşlı xəstə uşaqlıq yolunun selikli qişasının mioması səbəbindən ümumi anesteziya altında histeroskopik əməliyyat keçir. Monopolyar elektrocərrahi alətlər ilə və genişlik yaratmaq üçün 1,5% glisin istifadə edilməklə prosedur icra olunur. Prosedur 45 dəqiqə çəkir və qanaxmaya nəzarət təmin edilməklə tamamlanır. Əməliyyatın sonunda qlisin maye çatışmazlığının təxminən 1750 ml olduğu hesablanır. Oyanış zamanı oksigenlə doymanın- saturasiyası azalmağa başlayan və arterial qan qazı müayinəsində metabolik asidoza uyğun əlamətlər aşkarlanan xəstə tənəffüs yollarının açıqlığı təmin edilərək reanimasiya şöbəsində müşahidə edilir.
 Aşağıdakı klinik və ya laborator əlamətlətdən hansının bu xəstənin müşahidəsi zamanı görülmə ehtimalı ən azdır? 
 A) Hiperammonemiya
 B) Ağciyər ödemi
 C) Konvulsiya
 D) Kardiyak arrest
 E) Hipernatremiya
 

[Dr_Şəfiqə]

Hipotonik maddə qana keçib, bu o deməkdir ki, hipernatremiya ola bilməz, əksinə hiponatremiya olmalıdır. TUR sindromu. Mən belə düşünürəm

[Bymemor]

Qlisin qaraciyərdə ammoniuma çevrilir, a düz
Qlisin hipotonik olduğu üçün ödem verir, b düz
Qlisin mss-ə təsir edib konvulsiya verə bilər, c düz
Metabolik asidoz kardiyak arrest verə bilər, d düz
Hipotonik olduğu üçün hipernatermiya olmaz, mən də e bəndi deyirəm, cavabı paylaşın amma zəhmət olmasa