Hıçqırıq döş və qarın boşluğunu bir-birindən ayıran və tənəffüsdə çox mühüm rola malik olan diafraqmanın qeyri-iradi yığılmasıdır. Hər yığılmadan sonra səs telləri dərhal qapanır və bu zaman hıçqırıq üçün xarakterik olan “hic” səsi yaranır.
Hıçqırığa bir çox şey səbəb ola bilər. Məsələn böyük bir loxma yemək, alkoqollu və ya qazlı içki və ya qəfildən həyəcanlanma hıçqırığa səbəb ola bilər. Çox insan üçün hıçqırıq sadəcə bir neçə dəqiqə davam edən bir şeydir. Lakin nadir hallarda hıçqırıq aylarla davam edə bilər. Bu halda hıçqırıq sizin arıqlamağınıza və gücdən düşmənizə səbəb ola bilər.
Simptomlar
Hıçqırıq elə özü bir simptomdur. Bəzən hıçqırıq boğazda, döş qəfəsində və qarında sıxılma hissi ilə müşahidə oluna bilər.
Həkimə nə zaman müraciət etmək lazımdır?
Əgər hıçqırığınız 48 saatdan daha uzun müddət çəkibsə və ya hıçqırıq yeməyə, yatmağa və nəfəs almağa mane olacaq qədər sərtdirsə, bu zaman həkimə müraciət etməlisiniz.
Səbəblər
48 saatdan çox çəkməyən hıçqırığa səbəb olan amillərə aiddir:
1) Qazlı içkilər içmək
2) Çoxlu miqdarda alkoqol içmək
3) Həddən çox yemək
4) Həyəcanlanma və ya emosional stress
5) Qəfil temperatur dəyişkənliyi
6) Saqqız çeynərkən havanı udmaq və konfet sormaq
48 saatdan çox davam edən hıçqırığa səbəb olan amillər aşağıdakı kimi qruplaşdırıla bilər:
Sinir zədələnməsi və qıcıqlanması
Uzun müddətli hıçqırığın bir səbəbi də azan sinirin və ya diafraqma sinirinin zədələnməsi və ya qıcıqlanmasıdır. Bu sinirlər diafraqma əzələsinin sinir təchizatında iştirak edirlər. Ona görə bu sinirlərin zədələnməsi və ya qıcıqlanması hıçqırağa səbəb ola bilər. Bu sinirləri zədələyəbiləcək amillərə aiddir:
1) Qulaqda qulaq pərdəsinə toxunan tük və ya onun kimi bir yad cisim
2) Şiş, kista, qalxanabənzər vəzin böyüməsi
3) Qastroezofaqal reflux
4) Boğaz ağrısı və ya laringit
Mərkəzi Sinir Sistemi xəstəlikləri
Mərkəzi sinir sisteminizdəki şiş, infeksiya və ya onu zədələyəbiləcək hər hansi bir amil beyinin hıçqırıq refleksi üzərindəki normal tənzimləmə mexanizmlərinin işini poza bilər. Belə amillərə aiddir:
1) Meningit
2) Ensefalit
3) Geniş sklerozlaşma
4) İflic
5) Travmatik beyin zədələnmələri
6) Şişlər
Metabolik xəstəliklər və dərmanlar:
1) Alkoqolizm
2) Anesteziya
3) Barbituratlar
4) Şəkər xəstəliyi
5)Elektrolit dizbalansı
6)Böyrək xəstəlikləri
7)Steroidlər
8)Trankvilizatorlar
Risk faktorları
Kişilərdə uzun müddət davam edən hıçqıraq qadınlara nisbətən daha çox müşahidə edilir. Hıçqırıq riskini artıran faktorlara aşağıdakılar aiddir:
Ruhi və emosional məsələlər. Narahatlıq, stress və həyəcan bəzi hallarda baş verən qısa və uzun müddətli hıçqıraqla əlaqədardir.
Əməliyyat. Qarın boşluğu orqanlarıyla əlaqədar və ya ümumi anesteziya şəraitində icra olunan əməliyyatlardan sonra bəzi insanlarda hıçqırıq yarana bilər.
Ağırlaşmalar
Uzun müddət davam edən hıçqırıq aşağıdakı kimi normal funksiyaları poza bilər:
1) Qidalanmaq
2)Yatmaq
3) Nitq
4) Cərrahi əməliyyatdan sonra yaraların sağalması
Mənbə: [ Linkləri görmək üçün qeydiyyatdan keçin və ya giriş edin ]
